«Барселона» аёллар ўртасидаги Испания чемпионатида муддатидан аввал ғолибликни қўлга киритди.

Каталония жамоаси 26 турда 26 та ғалаба қозониб, 78 очко жамғарган. “Кўк-анорранглилар” ушбу баҳсларда рақиблари дарвозасига жами 108 та гол уришган ва ўз дарвозаларидан 5 та гол ўтказиб юборишган.

Иккинчи ўринда бораётган “Реал” 27 ўйиндан сўнг 66 очкога эга бўлиб, мавсум охиригача пешқадамга етиб олиш имкониятидан маҳрум бўлди.

Маълумот учун, “Барселона” кетма-кет тўртинчи марта чемпионликни қўлга киритди. Ҳаммаси бўлиб жамоа 8 марта чемпион бўлди ва бу Испаения тарихидаги энг яхши натижа ҳисобланади.