ДУНЁ

Покистондаги терактда 8 полициячи ҳалок бўлди

Покистон шимоли-ғарбида теракт содир бўлди. Дастлабки маълумотларга кўра, саккиз нафар полициячи ҳалок бўлди, яна 57 киши жароҳатланди. Бу ҳақда “Dawn” хабар берди.

Айтилишича, ҳужум Хайбер-Пахтунхва вилоятининг Сват туманида содир бўлган, нишон эса Покистон терроризмга қарши кураш департаменти ходимлари бўлган.

Маълум бўлишича, иккита портлаш содир қилинган, оқибатда назорат-ўтказиш пункти биноси бутунлай вайрон бўлган.

Ҳозирда воқеа жойида қутқарувчилар ишламоқда. Полиция ҳужумни худкуш-террорчи амалга оширганини айтмоқда.

LEAVE A RESPONSE

Email manzilingiz chop etilmaydi. Majburiy bandlar * bilan belgilangan