18 апрель куни соат 16:40да Учтепа туманида Cobalt ва Captiva русумли автомашиналар иштирокида ЙТҲ содир бўлган. Бу ҳақда Тошкент шаҳар ИИББ ЙҲХБ Ахборот хизмати маълум қилди.
ЙТҲ оқибатида ҳайдовчилар тан жароҳатлари билан шифохонага олиб кетилган.
Cobalt автомашина йўловчиси эса олган тан жароҳатлари натижасида воқеа жойида вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан ЖКнинг 266-моддаси 2-қисми билан жиноят иши қўзғатилган.
Ҳозирда тергов ҳаракатлари олиб борилмоқда.