Кубада бўлиб ўтган парламент сайловлари натижалари яқин кунларда эълон қилинади, деб хабар беради Euronews агентлиги.
Расмий маълумотларга кўра, 8 миллионга яқин киши, яъни сайлов ҳуқуқига эга бўлганларнинг 70 фоизи сайлов участкаларига келган.
Халқаро инсон ҳуқуқлари ташкилотлари бу сайловни сохта ҳаракат деб атади. Чунки Миллий Ассамблеядаги 470 ўрин учун мамлакат ҳукумати томонидан олдиндан танланган 470 нафар номзод қатнашган.
Сайланган қонунчилар президентликка номзод кўрсатиш ва уни парламентдаги овоз бериш йўли билан сайлаш учун масъулдир.
Куба Коммунистик партияси раҳбари Мигель Диас-Канель иккинчи муддатга сайланиши кутилмоқда.
Куба иқтисодий инқироз ва ижтимоий норозиликлар билан курашмоқда.
