Финляндия президенти ўз мамлакатининг НАТОга қўшилиши ҳақидаги қонунни имзолади. Ҳужжат парламент томонидан маъқулланди, деб хабар беради Euronews.
Туркия ва Венгриядан ташқари Иттифоқнинг барча давлатлари Финляндия ва Швециянинг аъзо бўлишига розилик берди.
Анқарада парламентнинг халқаро алоқалар қўмитаси пайшанба куни Хельсинки сўровини маъқуллади, энди у қонунчилар томонидан кўриб чиқилади. Бу масала кейинги бир неча кун ичида ҳал бўлади.
Будапешт ҳам Финляндия номзодини келгуси ҳафта бошида кўриб чиқмоқчи ва унинг ҳам фикри ижобийдир.
