Туркиянинг Ҳатай вилоятида 45 ёшли эркак вайроналар остида зилзиладан 278 соат (11 кун) ўтиб, омон қолди.

Ҳакан Ясиноглу Дефне туманида қулаган бино вайроналари остидан чиқарилди.

Қидирув-қутқарув гуруҳи вайрон бўлган уй вайроналари остида тирик одам борлигини аниқлади.

Жабрланувчи касалхонага ётқизилган.

Эслатиб ўтамиз, 6 февраль куни Туркиянинг жануби-шарқида (маҳаллий вақт билан 04.17 да – 7,7 балл ва 13.24 да – 7,6 балл) иккита кучли зилзила содир бўлди.

Туркия жануби-шарқида содир бўлган даҳшатли зилзила қурбонлари сони 38 мингдан ошган.