2022 йилда Ўзбекистонга Америка туристик ва ишбилармонлик визаси бўйича рад жавоби бериш кўрсаткичи 47 фоизни ташкил этди, бу 2021 йилга нисбатан ёмонроқ, лекин ундан аввалги йилларга қараганда яхшироқ.

2022 йилда АҚШнинг Тошкентдаги элчихонаси ўзига мурожаат қилган Ўзбекистон фуқароларининг 47,04 фоизига B тоифали визалар (сайёҳлик ва ишбилармонлик визалари) беришни рад этган. Бу ҳақда АҚШ Давлат департаменти ҳисоботида айтилади, деб ёзмоқда Gazeta.uz.
Бу ариза берган ўзбекистонликларнинг 45,98 фоизига виза берилмаган 2021 йилдагидан ёмонроқ, аммо пандемия кузатилган 2020 (74,14 фоиз) ва ундан аввалги йиллардан яхшироқ. Хусусан, 2019 йилда 68,06 фоиз, 2018 йилда 61,76 фоиз, 2017 йилда яхшироқ 50,29 фоиз ўзбекистонлик аризачи рад жавобини олган.

Ўтган йил якунлари бўйича Марказий Осиё мамлакатларида Ўзбекистон виза рад этилиши бўйича Тожикистондан кейин иккинчи ўринни эгаллади, у ерда 57,03 фоиз ҳолларда рухсатнома берилмаган. Қирғизистонда рад этишлар улуши 37,85 фоизни, Қозоғистонда 44,02 фоизни, Туркманистонда 35,69 фоизни ташкил этди.

МДҲнинг бошқа мамлакатларида визалар асосан ижобий жавоб билан берилади: Озарбойжон – 23,54 фоиз, Беларус – 26,05 фоиз, Россия – 26,18 фоиз, Арманистон – 37,87 фоиз, Украина – 41,27 фоиз (ўтган йили 15,15 фоиз эди).

АҚШнинг Тошкентдаги собиқ элчиси Дэниел Розенблюм 2019 йилда ўзбекистонликлар кўпинча ўзининг виза муддатини кечиктириб юборишини таъкидлаган эди.

«Шунинг учун биз ҳар бир инсонни батафсил ўрганишимиз ва у виза муддатини кечиктириб юбормаслигига, мамлакатда ноқонуний муҳожир бўлиб қолмаслигига ишонч ҳосил қилишимиз керак», деб таъкидлаган дипломат.

Ўтган йил давомида АҚШнинг Тошкентдаги элчихонасининг Консуллик бўлими дунё бўйлаб Diversity Visa (Грин карта) дастури доирасида турли миллатга мансуб иммигрантлар учун тасдиқланган визалар сони бўйича (5 511 та) бешинчи ўринни эгаллаган эди. Биринчи ўринда Миср (5 529) ва Жазоир (5 526) қайд этилган.