Энергетика вазирлигининг маълум қилишича, 25 январдан бошлаб Ўзбекистон Афғонистонга электр энергия етказиб беришни қайта тиклашни режалаштирмоқда.
Таъкидлаш жоизки, январь ойи ўрталарида Ўзбекистон ҳудудида ҳаво ҳароратининг кескин пасайиши оқибатида истеъмолчилар ва иссиқлик электр станциялари ёқилғи таъминотида муаммолар вужудга келганди.
Ўзбекистон ушбу форс-мажор ҳолат ҳақида Афғонистон энергетика ташкилотини олдиндан огоҳлантириб, 14 январдан ушбу мамлакатга электр етказиб беришни вақтинча тўхтатган эди.
