Хитой расмийлари янги коронавирусдан 56 киши аллақачон ўлганлигини расман тасдиқлашди. 1500 дан ошиқ одам вирусни юқтирган, улардан 57 нафари оғир аҳволда. Вируснинг янги штаммидан ҳалок бўлганлар орасида Хубей провинциясидаги касалхонада беморлар билан ишлаган шифокор ҳам бор.
Олимларнинг сўзларига кўра, вирус 4-февралга қадар 250,000 одамга юқади ва бу фақат Хитойнинг Ухан шаҳрида. Ҳисобот муаллифлари Ланкастер университети, Флорида университети ва Глазго университети вакилларидан иборат.
Tаққослаш учун: ҳозирги пайтда биз юқтирганлар сони ҳақида гапиряпмиз, улар 1500 киши. Шундай қилиб, 10 кун ичида касаллик деярли 170 марта тарқалиши мумкин.
Касаллик аллақачон Европа ва AҚШга ҳам етиб келган.
Францияда янги коронавирус билан инфекциянинг учинчи ҳолати қайд этилди. Касаллик AҚШда ҳам аниқланди: Жума куни AҚШ Касалликларни назорат қилиш ва профилактика марказлари (CДC) мамлакатда вирусли инфекциянинг иккинчи тасдиқланган ҳолати пайдо бўлганлигини эълон қилди. Aйни пайтда 22 штатда яна 63 киши коронавирус текширувидан ўтишмоқда.
AҚШ маъмурлари ушбу якшанба куни ўзларининг дипломатларини ва уларнинг оилаларини янги коронавируснинг эпицентри бўлган Хитойнинг Ухан шаҳридан эвакуация қилиш учун чартер рейсини ташкил этишди, деб хабар бермоқда Wall Street Journal шанба куни.
РИA хабарига кўра, Россия Хитой фуқароларини Ухан шаҳри ва ушбу шаҳар жойлашган Хубей провинциясидан эвакуация қилиш бўйича музокаралар олиб бормоқда. Россиянинг Пекиндаги элчихонасига кўра, руслар орасида вирус юқтириш ҳолатлари ҳали аниқланмаган.
