Баҳодир Жалолов Исомиддин ўғли 1994 йил 8-июлда Сурхондарё вилояти, Сариосиё туманида туғилган. Оғир вазн тоифасидаги умидли ва мағлубиятсиз профессионал боксчимиз.
Ҳаваскорлар ўртасида Олимпия ўйинларининг чорак финалчиси (2016),
Жаҳон чемпиони (2019),
Жаҳон кубогининг бронза медали (2015),
икки карра Осиё чемпиони (2017, 2019).
Профессионаллар орасида, оғир вазн тоифасида NABF Junior (Шимолий Aмерика) чемпиони (2019 йил).
2019 йил март ойи ҳолатига кўра BoxRec рейтинги бўйича 77-ўринни эгаллаган ва оғир вазн тоифасидаги ўзбекистонлик боксчилар орасида 1-ўринни эгаллаб, 2019 йилнинг сентябрь ойида йирик халқаро бокс ташкилотлари рейтингига кўра WBC рейтингида 40-ўринни эгаллади ва оғир вазн тоифасида дунёдаги энг яхши 40 таликка кирди.
Ҳаваскорлик карьераси
У боксни Чирчиқ Олимпия захиралари коллежида Рустам Саидов ва Tўлқин Қиличев қўлида 7-синфдан бошлаган. 2009 йилда мамлакат ёшлар чемпионатида кумуш медални қўлга киритган.
2013 йилда у Ўзбекистон чемпиони бўлди ва 2014 ва 2015 йилларда бу муваффақиятини такрорлади.
2015 йилда у Жаҳон кубогининг бронза медалига сазовор бўлди.
2016 йилнинг август ойида Олимпиада ўйинларида иштирок этди ва у ерда ўйинларнинг очилиш маросимида Ўзбекистон миллий терма жамоасининг байроқдори бўлди. Олимпиадада у чорак финалга чиқди: 1/8да у венесуелалик тажрибали боксчини – Эдгар Mунозни нокаутга учратди, лекин чорак финалда ҳакамларнинг қарорига биноан (ҳисоб: 0: 3) британиялик Жозеф Жойсга ютқазиб қўйди – натижада Олимпиада кумуш медалини қўлга киритди.
2017 йил май ойида у Tошкентда бўлиб ўтган бокс бўйича Осиё чемпионатида 91 килограммдан юқори вазн тоифасида олтин медални қўлга киритди, финалда қозоғистонлик боксчи Қамшибек Конкабаевни мағлубиятга учратди. 2017 йил август ойида Гамбургда бўлиб ўтган Жаҳон чемпионатида иштирок этиб, 1/8 финалда Жалолов тажрибали Даниялик Кем Юнгвестни 1-раундда нокаут билан мағлубиятга учратди ва тенг курашда қозоғистонликка ютқазди (ҳисоб: 2: 3). Қамшибек Конкабаев – охирида Жаҳон кубогида кумуш медални қўлга киритди.
2019 йил сентябрь ойида у Екатеринбургда бўлиб ўтган Жаҳон чемпионатида
тажрибали америкалик боксчи Ричард Tоррезни чорак финалда 1-раундда мағлубиятга учратиб, ярим финалда тажрибали россиялик Mаксим Бабанинни (5: 0) мағлубиятга учратди. Финалда эса (5: 0) қозоғистонлик тажрибали боксчи Қамшибек Конкабаевни мағлубиятга учратди.
Проффесионал карьераси
2018 йил февраль ойида у Aмериканинг Fight Promotions реклама компанияси билан шартнома имзолади ва 2018 йил 5 май куни AҚШда мексикалик боксчи Ҳуго Tружиллони (4-0-1) 3: 0 ҳисобида мағлубиятга учратиб, профессионал рингда муваффақиятли қадамини бошлади. Проффесионал боксда 6та жанг ўтказиб барчасини ғалаба билан нишонлади
| 6 та жанг , 6та ғалаба (6та нокаут) | |||||||
| жанглари | Рекорд | Жанг ўтказилган кун | Рақиблар | Жанг ўтказилган жой | Раундлар, вақт | ||
| 6 | 6-0 | 2019 йил 10 апрельда | Брендан Барретт (7-2-2) | Sony Hall, Нью-Йорк, США | KO 1 (6), 2:45 | ||
| 5 | 5-0 | 15 март 2019 | Вилли Харви (3-1-1) | Marconi Automative Museum, Тастин Калифорния, США | TKO 2 (6), 1:11 | ||
| 4 | 4-0 | 8 декабрь 2018 | Маркус Валентайн (5-4) | Ла Пуэнте Калифорния, США | KO 1 (4), 2:29 | ||
| 3 | 3-0 | 27 октябрь 2018 | Тайрелл Райт (9-2-2) | Мэдисон Сквер Гарден, Нью-Йорк, США | RTD 4 (6), 3:00 | ||
| 2 | 2-0 | 29 сентябрь 2018 | Эдуардо Витела (3-2) | Kings Theatre, Бруклин, Нью-Йорк, США | KO 1 (6), 0:47 | ||
| 1 | 1-0 | 5 май 2018 | Уго Трухильо (4-0-1) | Foxwoods Resort Машантукет Коннектикут, США | TKO 3 (6), 1:14 | ||
