Дунёда ўқиш ва ёзишни билмайдиган 770 миллиондан ортиқ катта ёшдаги одамлар бор, дея хабар бермоқда БМТ ахборот хизмати сайти.

Ҳар беш мамлакатдан фақат биттаси 12 ёшгача бўлган бепул мажбурий таълимни қонуний равишда кафолатлаши мумкин. Кўпгина мамлакатларда таълим соҳаси пандемия туфайли сезиларли даражада ёмонлашди. ЮНЕСКО Бош директори Одри Азуле сўнгги ўн йилликларда бу йўналишда эришилган улкан ютуқларни эслатиб, таълим соҳасидаги саъй-ҳаракатларни жонлантиришга чақирди. У таълим асосий давлат неъматларидан бири ва 2030 йилгача бўлган даврда барқарор ривожланиш соҳасидаги барча кун тартибини амалга оширишнинг муҳим воситаси эканлигини таъкидлади.

«Биргаликдаги саъй-ҳаракатлар туфайли бу йўналишда кўп ютуқларга эришдик. 1979 йилда сайёрамиздаги одамларнинг атиги 68 фоизи ўқиш ва ёзишни билган. 2020 йилга келиб бу кўрсаткич 86,7 фоизга ошган. Аниқ ютуқларга қарамай, бутун дунё бўйлаб 771 миллион катталар ҳали ҳам асосий саводхонлик кўникмаларига эга эмас, уларнинг 60 фоизи қизлар ва аёллардир», – деди Одри Азуле.

ЮНЕСКО маълумотларига кўра, пандемия сабабли 24 миллионга яқин ўқувчи ҳеч қачон мактабга ёки бошқа таълим муассасаларига қайтмаслиги мумкин. Уларнинг 11 миллиони қизлар ва ёш аёллардир. У таълим учун маблағни кўпайтириш ва халқаро ёрдамни кўпайтиришга чақирди.