Вояга етмаган фарзандларнинг моддий таъминоти учун алимент пулларини тўлашдан бўйин товлаб келаётган ота-оналарга нисбатан Мажбурий ижро бюроси томонидан қонуний таъсир чоралари қўлланилиб келинмоқда.
Хусусан, фуқаролик ишлари бўйича Шеробод туманлараро судининг 2018 йил 3 декбардаги суд буйруғига асосан Холмурод Зиёдовдан вояга етмаган бир нафар фарздандининг моддий таъминоти учун иш ҳақи ва бошқа даромадларининг 25 фоиз миқдорида алимент ундириш белгиланган бўлсада, қарздор алимент пулини тўлашдан буйин товлаб келган.
Фарзандларининг моддий таъминотига жавобгар бўлган ота давлат ижрочиларининг бир неча бор расмий огоҳлантиришларига қарамай алимент тўлашдан бош тортиб қочиб келганлиги учун Қизириқ туман маъмурий судининг қарори билан айбли деб топилиб, ўн беш сутка маъмурий қамоқ жазоси тайинланган.
Афсуски, қўлланилган таъсир чорасига қарамасдан алимент тўлашдан қасддан бўйин товлаб келганлиги сабабли Х.Зиёдовга нисбатан Бюронинг Шеробод туман бўлими томонидан Ўзбекистон Республикаси Жиноят Кодексининг 122-моддаси тегишли бандлари билан жиноят иши қўзғатилти.
Олиб борилган суриштирув ҳаракатлари давомида қарздор Х.Зиёдовнинг 12 миллион сўмдан ортиқ алимент қарздорлиги аниқланди.
Алимент қарздорлигини тўлашдан бўйин товлаб келаётган отага ҳуқуқий тушунчалар берилиб, қарздорлик бартараф этилмаган тақдирда қўзғатилган жиноят иши бўйича икки йилгача ахлоқ тузатиш ишлари ёки бир йилгача озодликдан маҳрум қилиш билан жазолананиши мумкинлиги ҳақида огоҳлантирилди.
Мажбурий ижро бюроси Сурхондарё вилоят бошқармаси.
