Калифорниянинг Сан-Луис-Обиспо кўрфазида китларнинг қандай овқатланишини кўриш учун келган Джули Максорли ва Лиз Коттриелни улкан кит ютиб қўйди, деб хабар бермоқда My Modern Met сайти.
Воқеани гувоҳлар видеога олишга улгуришган. Видеода улкан кит икки аёлни қайиқ-пайиғи билан ютиб юборгани тасвирланган. Ҳаммаси шу қадар тез содир бўлганки, икки аёл нима бўлганини билмай ҳам қолишган.
Ҳодиса Авила пляжи яқинидаги кўрфазда содир бўлган. Байдаркачилар китларнинг қандай овқатланишини томоша қилиш учун кўрфазга келишганди.
Лиз Коттриелнинг айтишича, у кит уларга яқинлашаётганда унинг оғзини кўрган ва тамомман деб ўйлаган.
«Китнинг катта очилган оғзини кўрдим. Кейин бир қарасам, сув остидаман», – дейди у.
Аёллар эсон-омон қолишди, кит уларни бирданига оғзидан чиқариб юборган. Улар жиддий жароҳат олишмаган.
