Нидерландияда коронавируснинг «кентавр» номини олган янги тури аниқланди. Бу ҳақда «NOS» хабар берди.
Янги ковид тури «омикрон» штамининг кичик турларидан бири ҳисобланади. Унинг илмий номи «BА.2.75». Вирус биринчи марта июнь ойида Гелдерланд провинциясининг шимоли-шарқий минтақасидан олинган намунада аниқланган. Бу Нидерландия Миллий соғлиқни сақлаш институти томонидан ўтказилган бир қатор тадқиқотлардан сўнг аниқланган.
Мутахассислар «кентавр» штами аллақачон Ҳиндистон, Австралия, Япония, Канада, АҚШ, Германия ва Буюк Британиядаги беморларда қайд этилганини таъкидлаган. Касалликнинг олдини олиш ва назорат қилиш бўйича Европа маркази «кентавр» янада юқумли эканини маълум қилган. У олдинги ковид штамларига қараганда беморларда оғирроқ кечиши мумкин.
Ўз навбатида, ЖССТ бош олими Сумья Сваминатан «BА.2.75»нинг потенциал хавфини баҳолаш учун ҳали етарлича намуналар йўқлигини таъкидлайди.
