Американинг SpaceX компанияси чоршанба куни Crew Dragon космик кемасини фазога учирди.
У Халқаро космик станцияга (ХКС) тўртта астронавт юборди. Трансляция АҚШ Миллий Аэронавтика ва коинот бошқармаси (NASA) сайтида олиб борилди. Falcon 9 ташувчи ракетаси Канавералдан (Флорида) АҚШ вақти билан соат 03:55 да учди.
Freedom номини олган космик кема экипажи таркибида NASA астронавтлари Челл Линдгрен, Роберт Хайнс ва Джессика Уоткинс ҳамда Европа космик агентлиги вакили, италиялик Саманта Кристофоретти бор. Астронавтлар 200 дан ортиқ илмий тажриба ўтказиши кутилмоқда.
