Россияга нисбатан қўлланилаётган санкцияларни четлаб ўтиб, ўз маҳсулотларини ҳамон Москвага етказиб беришда давом этаётган Хитой компаниялари Америка Қўшма Штатларининг қаттиқ жазоларига дучор бўлиши мумкин. Бу ҳақда АҚШ Савдо вазири Жина Раймондо “Тҳе Неw Ёрк Тимес” газетасига берган интервюсида айтган.
Қайд этилишича, агар Хитой чекловларга қарамасдан Россияга маҳсулот етказиб берса, АҚШ чип ишлаб чиқариш учун зарур бўлган аппарат ва дастурий таъминотни Пекинга етказиб беришни тўхтатади. Бу эса Шанхайдаги энг йирик чип ишлаб чиқарувчи Семиcондуcтор Мануфаcтуринг Интернатионал Cорп (СМИC) ва бошқа Хитой компанияларининг ёпилишига олиб келади.
“Агар АҚШ Шанхайдаги яримўътказгичлар ишлаб чиқарувчи СМИC маҳсулотларининг Россияга жўнатилаётганини аниқласа, компанияга аппарат ва дастурий таъминот етказиб беришнинг олди олинади. Бу Хитойнинг чипларни ишлаб чиқариш қобилиятига ҳалокатли зарба беради”, деб таҳдид қилди Раймондо.
Савдо вазирининг сўзларига кўра, Хитой дунёдаги энг илғор яримўътказгичларни ишлаб чиқариш имкониятига эга эмас.
Аввалроқ, Хитой Россиянинг “Газпром”, “Русал” ва бошқа энергетика, хомашё компаниялари акцияларини сотиб олиш ёки мавжудларини ошириш имкониятини кўриб чиқмоқдалиги ҳақида хабар берган эдик.
