Англиянинг “Манчестер Юнайтед” клуби жамоа ҳужумчиси Криштиану Роналдудан норозилик билдирмоқда.

«Тҳе Индепендент» нашрининг ёзишича, клуб раҳбариятида португалиялик футболчига содиқ одамлар бор, бироқ улар кўп эмас. “Юнайтед”нинг айрим раҳбарлари Роналду кутилган умидларни оқламаганини тан олишмоқда. “Ҳозир у 2009-йилдагидек эмас”, — дейилади манбалардан бирида.

Клуб 37 ёшли ҳужумчи жамоага мослаша олмади, деб ҳисобламоқда. Кўпгина манбалар Роналду ва жамоа сардори Ҳарри Магуайр ўртасида таранг муносабатлар борлигини таъкидлашмоқда.

Маълумот учун, Криштиану бу мавсумда АПЛнинг 22 та ўйинида майдонга тушиб, 9 та гол ва 3 та голли узатма амалга оширишга муваффақ бўлди.