Янги Зеландия ҳукумати парламент биноси олдида лагерь қурган намойишчиларни қувиб чиқариш учун Барри Маниловнинг энг яхши ҳит қўшиқларидан фойдаланди. Бу ҳақда  BBC news хабар берди.

Америкалик қўшиқчининг қўшиқлари испанча рақс оҳанги, Масарена билан бирга 15 дақиқалик циклда янгради.

Covid-19 вакцина мандатларидан ғазабланган намойишчилар эса Twisted Sisterнинг “We’re not gonna take it” (Биз буни қабул қилмоқчи эмасмиз) каби қўшиқларини ижро этиш орқали жавоб берди.

Намойишлар сешанба куни машиналар карвони парламент ҳудудига етиб келганида бошланган.

Канададаги вакцина мандатларига қарши катта митинглардан илҳомланган юзлаб намойишчилар Соvid чекловларига қарши митинг қилиш учун пойтахт Веллингтонга келди.

Улар “Озодлик учун конвой” номини олдилар ва шаҳар кўчаларини тўсиб қўйди.
Чоршанба куни уларнинг сони  камайди, аммо дам олиш кунлари яна кўпайди.
Пайшанба куни полиция 122 кишини ҳибсга олди ва кўпчиликни чегарани бузиш ёки тўсқинлик қилишда айблади.

Стратегиялар самарасиз бўлганидан сўнг, парламент спикери Тревор Маллард янги ёндашувга қарор қилди: Барри Манилонинг энг катта ҳитлари, жумладан « Mandy” va  “Could It Be Magic” қўйиб эшиттирилди.

Янги Зеландия деярли икки йил давомида вирусни йўқ қилиш учун қаттиқ Соvid чекловларини қўллаган. Қулфлашлар ва халқаро чегараларнинг ёпилиши инфекция ва ўлим сонини жуда паст даражада ушлаб туришга ёрдам берди.

Аммо кўплаб чекловларнинг давомийлиги, жумладан камида 10 кунлик изоляция ва вакцина мандати жамиятда ўсиб бораётган норозиликни кучайтирди.

Оммавий сўровлар Жасинда Ардерн ҳукуматидан норозилик кучайиб бораётганини кўрсатди ва сўнгги ойларда норозилик фаоллиги ортган.