Қурол ва ўқ дориларни Ўзбекистонга яширинча олиб кирмоқчи бўлганлар ушланди
Давлат божхона қўмитаси Тошкент ва Фарғона вилоятларида қурол-яроқ ва ўқ дориларни мамлакат яширинча олиб киришга доир ҳолатларни фош қилди.
“Ғишткўприк” чегара божхона постида “Toyota Land Cruiser” машинасида 1 дона пневматик тўппонча, 2 дона пневматик тўппонча учун газ балон ва 310 дона пневматик ўқлар борлиги аниқланган.
Яна бир ҳолат “С.Нажимов” чегара божхона постида фош этилган. Тўхтатилган машиналардан бирининг юкхонасидаги чанг ютгич ичида 1 дона пневматик тўппонча ва 243 дона пневматик тўппонча учун мўлжалланган ўқлар топилган.
Фарғона аэропортида хориждан учиб келган фуқаронинг
юклари орасида 2 дона 12 калибрли ов қуроллари аниқланган.
Қурол-яроғ ва ўқ дориларнинг тегишли ҳужжатлари бўлмаган. Улар декларацияда кўрсатилмаган.
Суриштирув ҳаракатлари давом эттирилмоқда.
