Ўзбекистон Республикаси Президентининг «Рақобат муҳитига салбий таъсир кўрсатадиган тўсиқларни бартараф этиш ва тадбиркорлик фаолияти йўналишларини янада кенгайтириш чора-тадбирлари тўғрисида»ги Қарори лойиҳаси муҳокамага қўйилди.

Қарордаги чора-тадбирларга мувофиқ, 2022 йилда «норасмий валюта операциялари вужудга келишини олдини олиш, шунингдек, хизматларни узлуксиз равишда (24/7 режимда) кўрсатиш имконини яратиш мақсадида хусусий тадбиркорларга валюта айирбошлаш хизматларини кўрсатишга рухсат бериш» белгиланган.

Шунингдек, молиявий хизматлар кўрсатиш билан шуғулланувчи тадбиркорлик субъектларига кредит уюшмаси хизматлар бозорига кириш имкониятларини яратиш режалаштирилган.

Бунга Марказий банк, Иқтисодий тараққиёт ва камбағалликни қисқартириш вазирлиги, Молия вазирлиги масъул этиб кўрсатилган.

«Ва ниҳоят фуқароларга ҳафтанинг истаган вақтида валютани расмий алмаштириш имконияти яратилади ва менга ўхшаб «қора бозор»га бориб, ҳуқуқбузарлик қилишга мажбур бўлишдан сақланади. Ишқилиб масъул идоралар ва «қора бозор» лоббистлари бу хайрли ишга тўсқинлик қилишмаса бўлди.» –деб ёзган депутат Р.Кушербаев.