Афғонистоннинг Лоҳар вилоятида толибон разведка хизмати раҳбари Қори Шоғозий ҳукумат хавфсизлик кучлари томонидан йўқ қилинди.

“REGNUM” бу ҳақда мамлакат ички ишлар вазирлиги маълумотига асосланиб хабар берди. Бундан ташқари, афғон махсус хизматлари ходимлари жангариларнинг мазкур гуруҳидан яна икки кишини сафдан чиқарган.  

Айтиш жоизки, махсус амалиёт толибон қатор туманларга ҳужумлари баробарида амалга оширилган. Жангарилар қатор туманлардан НАТО қўшинлари чиқиб кетганидан сўнг фаоллашган.