Давлат активларини бошқариш агентлиги директори Акмалхон Ортиқов 26 сентябрь куни «Spot» мухбирига берган интервьюсида «Humo» тўлов тизимининг хусусийлаштирилишига изоҳ берди.

Унинг сўзларига кўра, битим бўйича консультант «Deloitte» компанияси номзодларнинг белгиланган мезонларга, шу жумладан, санкциявий рискларга мувофиқлиги бўйича таҳлил ўтказган. У 22 август куни тамомланган биринчи босқич якунларига оид маълумотлар тез орада эълон қилинишини қайд этди.

Акмалхон Ортиқовнинг маълум қилишича, Давактив агентлиги “Humo»ни хусусийлаштиришга қизиқиш билдириш учун саккизта сўров, жумладан, Европа ва Осиё давлатларидан аризалар келиб тушган.

Қозоғистоннинг «Kaspi» финтех гуруҳининг аризаси ҳақида сўралганда, Ортиқов келишувда аризачиларни оммага ошкор қилиш талаби мавжуд эмаслигини айтди.