Telegram мессенжерининг машҳурлиги унинг асосчиси Павел Дуров Францияда ҳибсга олинганидан кейин ошди. Бутун дунё бўйлаб iOC қурилмаларида Telegram’ни юклаб олишлар сони кунига 4 фоизга ошди, деб ёзди TechCrunch.
Францияда Дуровнинг мессенжери ижтимоий тармоқ туркумида App Store дўконида юклаб олишлар бўйича биринчи ўринни эгаллади ва иловаларнинг умумий рейтингида учинчи ўринга чиқди. Американинг Apple гаджетлари учун иловалар онлайн-дўконида Telegram 26 август куни ижтимоий тармоқ туркумида бир пайтлар иккинчи ўринни эгаллаган бўлса, энди учинчи ўринга тушиб кетди.
App Store дўконидаги (ўйинларни ўз ичига олмайди) энг яхши иловалар рейтингида мессенжер АҚШда машҳурлик бўйича 18-ўриндан саккизинчи ўринга кўтарилди, деб хабар бермоқда Appfigures аналитик хизмати. Ушбу рейтингдаги позиция нафақат ўрнатишлар сони, балки юклаб олиш тезлиги, шунингдек, бошқа омиллар билан ҳам белгиланади.
Павел Дуровнинг ҳибсга олиниши
Telegram асосчиси 24 август куни кечқурун Париж Le Burje аэропортига етиб келганида қўлга олинди. Дастлабки маълумотларга кўра, у 12 та моддадаги жиноятларни содир этганликда, жумладан, ноқонуний операцияларни амалга ошириш учун онлайн платформани бошқаришда иштирок этиш, вояга етмаганлар билан порнографик контентни сақлаш, гиёҳванд моддаларни тарқатиш, хакерлик, фирибгарлик ва ҳуқуқни муҳофаза қилувчи органлар билан маълумот алмашишни рад этишда гумон қилинмоқда. Тадбиркор 20 йилгача қамоқ жазосига ҳукм қилиниши мумкин
