Европада эпидемия содир бўлишини башорат қилган  етакчи немис эпидемиологи Александр Кекуле вакцинани кутмасдан, карантинни тугатиш учун кескин чоралар қўллаш таклифини ўртага ташлаган. Кекуле январь ойидаёқ Бош канцлер Ангела Меркелдан бошқа мамлакатлардан келаётганларни вирусга текширишни сўраганди. Ҳозирда у карантиндан хавфсиз чиқиш режасини ишлаб чиққан, дея ёзади The Daily Telegraf. Галле-Виттенберг университети микробиология бўлими  бошлиғи 22 январдаёқ Германия ҳукуматини аэропорт ва чегараларда туристларни коронавирусга текширишга мажбурлаш ҳақида баён қилган. “Агар ўшандаёқ текширув олиб борганимизда эди,  юқиш занжирини кузата олардик. Натижада эпидемия бўлмай, чегараларни ёпиш ва карантинга ҳожат қолмасди.” – деди Какуле.   Март ойида эса, Германияни вирус қамраганда, у мактаблар ва чегараларни бекитишга чақирган, чунки умумий карантин вируснинг секинлашиши ва касалхоналар беморлар билан тўлиб тошмаслигининг олдини олишда биргина чора эди. Унингча, чўзилаётган ўз-ўзини иҳоталаш жараёни вирусдан ҳам кўра кўп зарар келтириши мумкин. У яратилиши бир йилга борадиган эҳтимолли вакцинани кутиб ўтирмасликка ундамоқда.

“Биз олти ойдан бир йилгача қулфланиб ўтира олмаймиз, агар шундай йўл тутаверсак, жамиятимиз ва маданиятимиз парокандаликка учрайди.”-дейди у. Кекула назарида, карантиндан зудликда чиқиш керак, бироқ буни хавф-хатарсиз амалга оширмоқ лозим. Бунинг учун у уч жиҳатни белгилаган.

Унингча, биринчидан, кекса ёшдаги  сурункали касали бор кишилар изоляцияда қолишлари даркор. Иккинчи жиҳат – ижтимоий масофалашишдан тезликда “ақлий “ масофалашишга ўтилиши лозим. “Биз дистанцияни вазиятга мослашга ўрганишимиз керак. Масалан, супермаркет кассири куни бўйи вирусга юқиш хавфи остида ишлайди, шунинг учун у ниқоб тақиши, зарур тозалик қоидаларига риоя қилиб туриши шарт. Таксичи эса пулни олгандан кейин қўли билан юзини силамасликни ахийри  ўрганиши лозим. Бундан ташқари, Кекуле Германия ёш аҳолисини атайлабдан коронавирусга юқтиришга чақиради. “50 ёшдан ошмаганлар ўлиб қолиши эҳтимоли ёки жиддий касалланиб, ётиб қолиши даргумон. Биз уларга юқтиришга йўл қуйишимиз керак, токи бунга уларда иммунитет шакллансин”-дея хулоса қилди эпидемиолог. Ёш болалар касалликка чалинишга кам хавф туғдиради, шунинг учун энг аввал мактаб ва боғчаларни очиб ташлаш керак, деб фикр билдиради Какуле.  Зотан, Данияда келгуси ҳафтадан мактаблар фаолияти тўлиқ  қайта тикланиши режалаштирилган, дея хабар қилади The  Daily Telegraf.