С.Мингбоев 2022 йил 13 июнь куни соат 12.30 да отаси С.Бегалиевнинг номига расмийлаштирилган “Тико” русумли автомашинада Сариосиё тумани, “Келажак сари” маҳалласи ҳудудидан кесиб ўтувчи 4Н-1581-сонли автомобиль йўли орқали “Дашнобод-Сариосиё” йўналиши бўйича бошқариб келиб, ушбу йўлнинг 6 километрига етганида йўлнинг чап томон четки қисмидан йўлнинг ўнг томон четки қисмига пиёда ҳаракатланиб ўтаётган фуқаро У.Иноятуллоевни автомашинаси олд томони билан уриб юбориб, йўл транспорт ҳодисасини содир этган. Натижада У.Иноятуллоев “ҳаёт учун хавфли бўлган оғир тан жароҳати” олган.
Судланувчи С.Мингбоевнинг жиноят содир этганликда айби, ўзининг суд мажлисида айбига иқрорлик билдириб берган кўрсатувидан ташқари, жабрланувчининг вакили Л.Инаятуллаевнинг суд мажлисидаги кўрсатувлари, ҳодиса жойини кўздан кечириш баённомаси, чизмаси ва фотосуратлар, суд-тиббиёт экспертизаси хулосаси, судга оид автотехника экспертизаси хулосаси ҳамда ишда тўпланган бошқа барча далиллар йиғиндиси билан тўлиқ ўз исботини топган.
Жиноят ишлари бўйича Сариосиё туман судининг 2022 йил 14 сентябрь кунидаги ҳукмига кўра, судланувчи С.Мингбоевга нисбатан жазо тури ва муддатини белгилашда инсонпарварлик, одиллик тамойилларидан келиб чиқиб, ҳар бир иш бўйича алоҳида ёндошув тўғрисидаги қонун талабига қатъий риоя қилишлари, содир этилган жиноятнинг ижтимоий хавфлилик даражасига, ҳодиса содир бўлгандан кейин шахснинг ҳатти-ҳаракатига (унинг жабрланувчига тиббий ёрдам кўрсатиш учун қилган ҳаракатлари, жабрланувчи ва унинг оиласига моддий ва бошқа тарзда ёрдам берганлиги, жиноят натижасида етказилган моддий ва маънавий зарарни қоплаганлиги ва ҳ.к.) ва жазони енгиллаштирувчи ёки оғирлаштирувчи бошқа ҳолатларга алоҳида эътибор бериб, жазо тайинлади.
