Футбол бўйича Англия Премер Лигасининг 6-турида «Манчестер Юнайтед» ва «Арсенал» жамоалари 4 сентябрь, якшанба куни ўзаро тўқнаш келди.

Учрашувнинг 35-дақиқасида Антони манкунианлар сафидаги дебют голини урган ҳолда мезбонларни олдинга олиб чиқди.

60-дақиқада Букайо Сака мувозанатни тиклашга эришди. 66-дақиқада Маркус Рэшфорд мезбонларнинг иккинчи голини урди. Орадан кўп ўтмай Маркус дубль қайд этган ҳолда, якуний ҳисобни ўрнатди.

Шу тариқа «Арсенал» мавсумдаги дастлабки мағлубиятни қабул қилиб олди. Микель Артета шогирдлари 15 очко билан пешқадамликни сақлаб турибди.

Мавсум стартидаги иккита мағлубиятдан кейин ғалабали серия намойиш қилаётган «қизил иблислар» эса очколарини 12 тага етказиб, 5-ўринга кўтарилди.