Пьер де Кубертен томонидан чизилган Халқаро олимпия қўмитаси логотипининг асл нусхаси келаётган якшанба, 26 июль куни Каннда ўтказиладиган ким ошди савдосига қўйлмоқда, дея хабар тарқатмоқда МОҚ сайти.
Хабарда айтилишича, замонавий олимпия ўйинларининг асосчиси Пьер де Кубертон томонидан кўк, қизил, сариқ, яшил ва қора рангдаги беш халқадан иборат рамз 1913 йилда яратилган. Беш қитъанинг бирдамлигини англатиб турган бу рамз ҳамиша аҳамиятли бўлиб келган.
ХОҚ рамзининг асл нусхаси ким ошди савдосидаги бирламчи баҳоси 100 минг евро этиб белгиланган.
Маълумки, халқаро олимпия ҳаракатининг рамзи бўлиб келган ушбу логотип илк бор 1920 йилги олимпия ўйинларида оммага намойиш этилган. Аслида ушбу рамз 1914 йили Халқаро олимпия қўмитаси ташкил топганлигининг 20 йиллигида кенг жамоатчиликка тақдим этилиши лозим эди. Бироқ, 1-Жаҳон урушининг бошланиб қолганлиги сабабли унинг тақдимоти айнан 1920 йилда ўтказилганди.
Шу ўринда айтиш жоизки, Олипия ўйинларини ташкил этиш бўйича Пьер де Кубертон томонидан имзоланган расмий ҳужжат Манфестнинг асл нусхаси ўтган йили декабрда Каннда ўтказилган кимошди савдосида 8 806 500 долларга хамюртимиз Алишер Усмонов томонидан сотиб олиниб, Кубертонга ҳурмати юзасидан Лозаннадаги Олимпия музейга шу йилнинг февралида совға қилинган эди.
Кубертон чизган ушбу логотипнинг асл нусхаси 21 Х 27,5 сантиметрдан иборат бўлиб, гуаш ва графит билан оқ картонга чизилган ҳамда у томонидан муҳрланган.
Канн аукцион маркази маъмурларининг билдиришига кўра, сотувга қўйилаётган ХОҚ логотипидан тушган даромаднинг 15 фоизи жаҳон мамлакатларини спорт баҳслари ғояси билан бирлаштирган Пьер де Кебертон оилавий аасоциациясига тақдим этилади.
Тўлқин РЎЗИЕВ
