Jasur Jaloliddinovga Turkiyaning «Beshiktosh» jamoasi qiziqayotgani haqida avval ham xabar bergan edik. Endi bevosita taklifdan o’rin olgan raqamlar va bandlar haqida to’xtalib o’tmoqchimiz.
• «Beshtiktosh» Jasur uchun «Bunyodkor»ga 350 ming yevro to’lamoqchi bo’lgan;
• Bundan tashqari «Beshiktosh» Turkiya chempioni bo’lsa va o’zbekistonlik futbolchi 15 ta o’yinda kamida 45 daqiqadan o’ynagan taqdirda «Bunyodkor»ga yana 50 ming yevro bonus berilardi;
• Futbolchining kelasi transferlaridan «Bunyodkor» akademiyasiga 10% bonus to’lanar edi;
• Jaloliddinov turk jamoasida 15 ming yevro maosh olishi mumkin edi;
• Shuningdek, futbolchi uchun yillik bonuslar ham kafolatlangan edi: 1 yil uchun 50 ming yevro, 2 yil uchun 200 ming yevro, 3 yil uchun – 250 ming yevro, 4-yil uchun – 300 ming yevro.
Yakunda Jasur Jaloliddinov Rossiyaning «Lokomotiv» jamoasi sharafini himoya qilish variantini tanladi. Tez orada bu haqda rasmiy ma’lumot berilishi kutilmoqda.