АҚШ Фуқаролик ва Иммиграция Хизмати (USCIS) доимий яшаш, фуқаролик ёки мамлакатга кириш учун ариза берувчиларга қўйиладиган талаблар рўйхатини янгилади.
Энди барча келганлар «Америкага қарши» қарашлари ва хатти-ҳаракатлари учун текширилади.
USCIS энди мамлакатга кириш учун аризаларни кўриб чиқишда «анти-Америка» ва антисемитизм қарашларини тарғиб қилиш ёки қўллаб-қувватлашни, айниқса антисемит террор ташкилотлари билан алоқаларни «ўта салбий омил» сифатида кўриб чиқади. Шу билан бирга, агентлик ҳужжатда «антиамерикалик қарашлар»ни айнан нимадан ташкил этишига аниқлик киритмайди.
Бу The Wall Street Journal таъкидлаганидек, Совуқ уруш даврида коммунистик партиялар аъзоларининг мамлакатга кириши тақиқланган пайтдаги нормаларга жуда ўхшаш.
Салбий омиллар қаторига анъанавий тарзда оғир жиноятлар, гиёҳвандлик, маст ҳолда автомобиль бошқариш, йўл ҳаракати қоидаларини мунтазам равишда бузиш киради. Олий маълумот, барқарор иш тажрибаси, оила аъзоларига ғамхўрлик, жамият ҳаётидаги иштироки эса ижобий омиллар ҳисобланади.
