Кенияда сайёҳлар самолёти жирафа билан тўқнашди, деб хабар берди Kahawatungu.
Меру округидаги Лева ёввойи табиат қўриқхонасида самолёт ерга қўнаётган пайтда иккита жирафа учиш-қўниш йўлагини кесиб ўтган — уларнинг бири қочишга улгурмаган. Жонивор нобуд бўлган.
Учувчи ва беш йўловчи эса ҳеч қандай жароҳат олмаган, самолётни жиддий таъмир кутмоқда, дейилади хабарда.
Ҳодиса юзасидан полиция ва Кения фуқаро авиацияси бошқармаси иш очди.
