COVID-19 нинг қайтиш ҳолатлари кузатилмоқда. Бунга Ухан ва Кореядаги бугунги вазият яққол мисол.

Шунингдек, Республикамизнинг айрим “яшил”га айланган ҳудудлари ҳам “қизил”га қайтаётгани фуқароларимиздан ҳушёрликка чорламоқда.

Республика махсус комиссиясининг қарорига мувофиқ жамоат жойларида тиббий ниқобдан ва антисептик воситалардан фойдаланган ҳолда ҳаракатланиш бўйича санитария-гигиена талабига қатъий риоя этилиши устидан назоратни кучайтириш белгиланмоқда.

Карантин чекловлари шароитида фаолият юритишига рухсат берилган тадбиркорлик субъектларига (қурилиш, умумий овқатланиш, хизмат кўрсатиш объектлари ва б.) тегишли объектларда белгиланган санитария-гигиена талабларига риоя этмаслик оқибатида коронавирус инфекцияси аниқланган тақдирда ушбу объектларни ва шахсларни карантинга олиш ҳамда сақлаш билан боғлиқ харажатлар мазкур субъектлар ҳисобидан қопланиши белгиланди.