Саудия Арабистонининг Даммам шаҳрида енгил атлетика бўйича U18 ёш тоифасидаги Осиё чемпионати якунланди.

Ўзбекистон терма жамоаси 3 та олтин, 5 та кумуш ва 4 та бронза — жами 12 та медал билан умумжамоа ҳисобида иккинчи ўринни эгаллади. Бу билан ёшларимиз илк бор қитъа чемпионатида иккинчи натижани қайд этишди.

Мусобақанинг сўнгги кунида қуйидаги медаллар қўлга киритилди:

Олтин медал:

• Жаҳонгир Жўрабоев (ўнкураш)

Кумуш медал:

• Тимур Насимов (3 000 метр)

Бронза медал:

• Руслан Саъдуллаев (найза улоқтириш)
• Асилбек Тўхтамуродов (3 000 метр).