Фармацевтика фаолиятини лицензиялаш бошқармаси томонидан сифатсиз ва қалбакилаштирилган дори воситалари муомаласига чек қўйиш мақсадида ўтказилган назорат тадбирларидаги текширувда Тошкент вилояти Янгийўл туманида жойлашган “Shifo Nur Farm” ХКга тегишли дорихонанинг лицензия талаб ва шартларини бузганлик ҳолати аниқланди.
Мазкур ҳолат юзасидан “Shifo Nur Farm” ХКга дори воситалари ва тиббий буюмларни чакана реализация қилиш учун 2021 йил 29 октябрда берилган 251-сонли лицензияни бекор қилиш тўғрисида «Фармацевтика маҳсулотлари хавфсизлиги маркази» ДМнинг Зангиота туманлараро иқтисодий судига киритган даъво аризаси суднинг тегишли ҳал қилув қарори билан қаноатлантирилди. Ҳамда “Shifo Nur Farm” ХКга берилган лицензия бекор қилинди.
Шу ўринда, Фармацевтика фаолиятини лицензиялаш бошқармаси юртимиздаги барча дорихона маъсулларини дори воситалари ва тиббий буюмларни чакана реализация қилиш фаолиятини амалга оширишда лицензия талаб ва шартларини бузилишига йўл қўймасликлари тўғрисида огоҳлантиради.
