YouTube ўз платформасида ўсмирлар учун ота-она назорати функциясини кенгайтирмоқда. “Янги” функция шу ҳафтадан бошлаб бутун дунё бўйлаб мавжуд бўлади.

Назорат функцияси YouTube Оила марказига бирлаштирилган ва ота-оналар ва васийларга ўз ҳисобларини ўсмирлар аккаунтлари билан боғлаш имконини беради. Бу созлама ота-оналарга ўсмирларнинг YouTubeдаги фаолияти, жумладан, транслациялар, юкланган видеолар, шарҳлар ва уларнинг обуналари ҳақида реал вақт режимида билдиришнома олиш имконини беради. Ушбу назорат орқали ота-оналар ўз фарзандларини «йўл-йўриқ кўрсатиш ва рағбатлантиришлари» мумкин.

YouTubeнинг бу ҳаракати давлатларнинг ёш фойдаланувчилар учун платформанинг «яроқлилиги»га, айниқса, номақбул контент ва рекламага бўлган эътиборининг ортиши билан боғлиқ. Ушбу хусусият ёрдамида YouTube ўсмирлар фаолиятига янада шаффофроқ қарашни таклиф қилади.