Бельгия Бош вазирининг партияси миллий парламент сайловларида мағлуб бўлди
Бельгия бош вазири Александр Де Кру ўзининг Очиқ Flamand либераллари ва демократлари (Очиқ VLD) партияси миллий ва Европа парламенти сайловларида йирик мағлубиятга учрагач, истеъфога чиқишини эълон қилди. Бу ҳақда 10 июнь, душанбага ўтар кечаси халқаро ОАВ хабар берди.
«Биз бу сайловда мағлуб бўлдик. Мен кампаниянинг юзи бўлдим. Бу биз кутган натижа эмас. Мен тўлиқ жавобгарликни ўз зиммамга оламан», – дея Де Кру француз тилида сўзларидан иқтибос келтирмоқда Euronews интернет нашри.
«Бу биз учун жуда оғир оқшом бўлди, биз эртага Бош вазирликдан истеъфога чиқаман, аммо либераллар кучли, биз қайтамиз», – дея қўшимча қилди сиёсатчи. DPA агентлигига кўра, Кру бу баёнот пайтида кўзларида ёш бўлган.
Қайд этилишича, Александр Де Кру 10 июнь куни Бельгия қироли Филиппга ҳукумат раҳбари лавозимини тарк этиш нияти ҳақида хабар беради. Мутахассислар сайлов натижаларидан кейин янги ҳукуматни шакллантириш бўйича шиддатли музокараларни кутишмоқда. 2019 йилги сайловлардан сўнг ҳукмрон коалиция деярли 500 кундан кейин тузилди.
