“Терроризм билан боғлиқ ишлар бўйича миллий суд америка фуқаролари Люк Александр Денман ва Айран Берриларни терроризм ва ноқонуний қурол яроғ айланишига доир жиноятларни содир этишга уриниши учун қамоққа олишга қарор қилган”,  дея хабар берилмоқда мамлакат Олий суди томонидан. Бошқа қўлга олинганлар ҳам қамоққа жўнатилган.

Аввалроқ Венецуэла Бош прокуратураси бартараф этилган денгиз хуружига алоқадорликда гумонлаб 22 кишини ҳибсга олиш учун ордер берганди.

Ҳужумни ташкил этганлар сифатида Silvercorp хусусий ҳарбий компанияси раҳбари Джордан Гудро, Хуана Гуаидо гуруҳига кирган мухолифатчи депутат Серхио Вергара ва майямилик сиёсий маслаҳатчи Хуан Хосе Рендонларга нисбатан халқаро қидирув эълон қилинган.

Май ойи бошида Венецуэла ички ишлар вазири Нестор Ревероль колумбиялик жангариларнинг Ла-Гуайра штати орқали амалга оширган денгиз хуружи ҳукумат томонидан бартараф этилганини маълум қилганди. Президент Николас Мадуро ҳужумдан мақсад уни ўлдиришдан иборат бўлганлигини таъкидлаган.  ИИВ маълумотларига кўра, жангарилар мамлакатга тез ҳаракатланувчи катерлар ёрдамида киришга уринган. Таъсисчилар мажлиси раиси Диосдадо Кабельонинг аниқлик киритишича, ҳужум уюштирганларнинг 8 таси ўлдирилган. Ҳукумат ҳужумда қатнашган 31 кишини қўлга олган. Мадуро уларнинг 2 таси америка фуқаролари бўлиб Доналд Трампнинг шахсий қўриқчилари экан ҳақида билдириб ўтган. Оқ уй раҳбарининг ўзи эса содир бўлган ҳодисаларга алоқаси йўқлигини таъкидлаган.

АҚШ Россия ва бошқа кўплаб мамлакатлардан фарқли равишда 2019 йилнинг январидан буён  Мадурони мамлакатнинг президенти сифатида тан олмасдан венецуэлалик мухолифатчилар бошлиғи Хуана Гуаидони президент деб ҳисоблайди. Март ойининг охирларида АҚШ адлия вазирлиги Мадуро ва 15 нафар мамлакат раҳбарияти вакилларини наркотиклар савдоси ва ноқонуний пул ўзлаштиришларда айблаган эди.