АҚШда амалий ташриф билан бўлган Словакия Президенти Зузана Чапутовада коронавирус аниқланди. Бу ҳақда «TASR» ахборот агентлиги хабар берди.

Қайд этилишича, Питтсбургда бўлган Чапутова кеча, 4 февраль, АҚШга ташрифининг сўнгги кунида, касаллиги туфайли бизнес дастурини бекор қилган.  У 1 февраль куни Канададан АҚШга келган, кейин эса Калифорнияга учган эди. 

Словакия Президенти тадбиркорлар делегациясига бошчилик қилган ва Google компаниясининг бош қароргоҳига ташриф буюрган.

Президент бугун Словакияга қайтиб келган. Шунингдек, у кейинги бир неча кунлик иш дастурини бекор қилгани маълум бўлди.