Исроил билан ХАМАС ҳаракати ўртасида Ғазо секторида ҳарбий ҳаракатни чеклашга қаратилган мулоқот, ҳақиқатан, бошланган.

Афсуски, томонлар позицияси мутаносиб эмас, деди Фаластиннинг Венадаги элчиси Салоҳ Абдул Шафий “РИА Новости”га.

Аввалроқ “Рейтер” Миср хавфсизлик тузилмасидаги манбага таяниб, ўқ узмаслик қарори муҳокама қилинаётгани, бироқ томонларнинг кўп масалалар бўйича қараши турлича эканини маълум қилган.

– Ҳа, асосан ОАВ хабарларидан аён бўлаётганидек, муҳокама кечаётгани бор гап, – деган дипломат. – Воситачилар – Қатар, Миср, Америка. Музокара бошланган, лекин томонлар позициялари бир-биридан жуда узоқ”.