Бугун, 23 ноябрь куни Ўзбекистон ҳудудида тўртинчи зилзила содир бўлди. Бу ҳақда ФВВ Сейсмопрогностик мониторинг Республика маркази маълум қилди.
Унга кўра, 23 ноябрь куни маҳаллий вақт билан соат 16:28 да (Гринвич бўйича 23 ноябрь 11:28 да) Сурхондарё вилояти Қумқўрғон туманида 3,3 балли зилзила юз берган. Зилзила координаталари 37,46 градус шимолий кенглик; 67,71 градус шарқий узунликка тўғри келади.
Ер силкинишининг чуқурлиги 10 км, магнитудаси 3,3 га тенг. Зилзила эпимаркази Тошкентдан 442 км жануби-ғарбда жойлашган.
