Жаҳон премьерасига эндигина бир ҳафта бўлганига қарамай, “Barbie” фильми бутун дунё бўйлаб томошабинларга катта таъсир ўтказяпти. Ижтимоий тармоқларда “Barbie” услубида кийиниш ва бўяниш оммалашди. Компаниялар ўз маҳсулотларини ёрқин пушти рангда тақдим этишга ҳаракат қилишяпти.
Бундан ташқари, ушбу фильм Barbie қўғирчоқлари савдосини ҳам жонлантириб юборди. Шу кунга қадар ушбу қўғирчоқларни ишлаб чиқарувчи компаниялар ўзининг Hi-Tech рақамли муқобил рақобатчилари билан қаттиқ курашиб келаётган эди. Маълумотларга кўра, фильм премьерасидан сўнг, унинг савдоси сезиларли даражада ортган.
Шунингдек, фильм намойишидан сўнг, дунёнинг энг катта коллекциячи Беттина Дорфман ўзининг бутун дунёдан йиғилган Barbie қўғирчоқлари тўплами сонини 18 мингтага етказди. Унинг коллекциясида турли даврларга оид қўғирчоқлар мавжуд.
Бундан бир йил аввал Россияни тарк этган Голливуд фильмлари мамлакатга қайта кириб бориши муносабати билан намойиш этилиши кутилаётган илк фильмлардан бири ҳам “Barbie”дир.
“Barbie” жаҳон кинокассаси тарихидаги энг катта маблағ келтирган фильмлар рўйхатида тўртинчи ўринни эгаллади. Шунингдек, айни пайтгача аёл киши томонидан суратга олинган энг катта дебют деб топилди. Фильм биргина Шимолий Америка кассаларида сотилган чипталаридан 155 миллион АҚШ доллари ишлаб топган.
