Хургадада «Dream Beach» меҳмонхонаси пляжи яқинида акула дам олувчига ҳужум қилди, деб хабар бермоқда Baza телеграм-канали.
Хургада полицияси Россия Бош консуллигига акула ҳужуми оқибатида россиялик ҳалок бўлгани ҳақида хабар берди.
Полиция маълумотларига кўра, эркак бир неча ойдан бери Мисрда яшаб келган ва Хургададаги Dream Beach ҳудудида сузишга келган. Бироқ ҳозирча полиция марҳумнинг консуллигига ҳеч қандай ҳужжат тақдим этмаган, шу боис ўлган россиялик ҳақида ҳозирча расмий маълумотлар йўқ.
Бош консуллик «Baza»нинг акула ҳужуми қурбони Россия фуқароси эканлиги ҳақидаги маълумотини расман тасдиқлади.
