ОАВда Россия президенти Владимир Путиннинг ярим тунда кутилмаганда Кремлга келгани видеоси тарқалди.
Президент матбуот котиби Дмитрий Песков ушбу ташрифга изоҳ берди.
«Ҳақиқатан ҳам, Путин ярим тунда Кремлга келган. Путиннинг Кремлда квартираси бор, у ерда у тез-тез тунаб қолади. Кеча у Огарёвода ишлаган. Иши тугагач, у Кремлга кўчиб ўтди. Одатдаги амалиёт, бу жуда тез-тез содир бўлади», деган Россия раҳбарининг матбуот котиби брифингда.
Aпрел ойи бошида президент Путин Кремлдаги ушбу квартирада беларуслик ҳамкасби Aлександр Лукашенко билан музокара ўтказгани хабар қилинганди.
