Андижон вилоятидаги олий таълим муассасаларидан бирида 1 курсда ўқийдиган талаба қиз, 2003 й.т. П.М., ИИБга мурожаат қилиб, «телеграм» мессенжерида “PANDA” номли профиль фойдаланувчиси билан танишиб, у билан яқин муносабатда гаплашгандан сўнг, унга тегишли, сир сақланиши лозим бўлган фотосуратларини профиль фойдаланувчиси қўлга киритиб, ушбу маълумотларни ижтимоий тармоқлар орқали тарқатиш ва яқинларига юбориб, шарманда қилишини айтиб, тарқатмаслик эвазига 1.150.000 сўм пул талаб қилаётганлигини маълум қилган.
Ўтказилган тезкор-қидирув тадбирлари натижасида, “PANDA” профили фойдаланувчиси Андижон шаҳрида яшовчи 28 ёшли М.А., эканлиги аниқланиб, у П.М.ни қўрқитиб, ундан кимёвий ишлов берилган 1.150.000 сўм пулларни олаётган вақтида ашёвий далиллар билан қўлга олинган.
М.А.га нисбатан Ўзбекистон Республикаси Жиноят кодексининг 165-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Қонунга мувофиқ, М.А. томонидан содир этилган жиноий ҳаракатлар учун уч йилдан беш йилгача озодликдан маҳрум қилиш жазоси назарда тутилган.
