Бугун футзал бўйича Ўзбекистон миллий терма жамоаси Бразилия терма жамоасига қарши ўртоқлик ўйини ўтказади.

Бразилиянинг Карлос-Барбоза шаҳрида ташкил этиладиган мазкур ўйин Тошкент вақти билан соат 22:00да бошланади ва «Спорт» телеканали орқали жонли эфирда намойиш этилади.

Баҳодир Аҳмедов шогирдлари эртага ҳам Бразилияга қарши иккинчи баҳсини ўтказишади.

Эслатиб ўтамиз, Бразилия терма жамоаси футзал бўйича 5 карра жаҳон чемпиони ҳисобланади. Охирги ЖЧда улар 3-ўринни қўлга киритганди. Ўзбекистон футзалчилари эса ўша турнирда илк бор плей-оффга чиққанди.