Warner Brothers Studios «Гарри Поттер ва лаънати бола» франшизасини яратишга киришди, дея хабар беради The Sun нашри.
«Warner Bros студияси «Гарри Поттер ва лаънати бола» фильмини катта экранга олиб чиқиш йўлларини қидирмоқда», — дейди The Sun мухбири.

Бундай қарорга келиш «West End theatre» театридаги спектакльнинг машҳурлиги сабаб бўлган.

Аниқлик киритилишича, «Гарри Поттер ва лаънати бола» фильмини суратга олиш режаси дастлабки босқичда.

Режиссёрлар Дэниел Рэдклиффни ўз ролига қайтишга таклиф қилишни режалаштирмоқда.

«Фильм устида ишлаётганларнинг барчаси Дэниел Рэдклиффни бош ролда кўришни хоҳлайди. Бироқ, аввало унинг бўлимларини аниқлаш, сценарий ёзиш ва бюджетга аниқлик киритиш керак», — деб ёзади The Sun.

Фильм икки қисмда катта экранга чиқади.
Нашрнинг ёзишича, Гарри Поттер ҳақидаги фильмларда Дэниел билан бирга суратга тушган Гермиона Грейнджер ролини ижро этган Эмма Уотсон актёрлик фаолиятини давом эттирган бўлса, Рон роли билан танилган Руперт Гринт кўчмас мулк бизнеси билан шуғулланмоқда.

Машҳур Гарри Поттер франшизаси жаҳон прокатида 6,4 млрд фунт стерлингдан кўпроқ пул йиғди.