Арманистон Озарбайжоннинг ўққа тутиши оқибатида тинч аҳоли ҳалок бўлаётганини маълум қилди
Озарбайжон фуқаролик инфратузилмаларига зарба бериши оқибатида тинч аҳоли ҳалок бўлмоқда. Бу ҳақда Арманистон парламенти спикери Ален Симонян маълум қилди, деб хабар беради «ТАСС».
Симоняннинг қўшимча қилишича, Ереван ҳарбий техникалар борасида сезиларли йўқотишларга учраган.
«Озарбайжон кучлари қасддан фуқаролик инфратузилмаларига зарбалар бермоқда. Арманистон томонидан қурбонлар бор, жумладан, тинч аҳоли ҳам, сезиларли даражада ҳарбий техникаларимиздан айрилдик. Озарбайжон Қуролли Кучлари ҳужум уринишларини тўхтатмаяпти», — дейди Симонян.
