Bloomberg нашри ўқувчилари АҚШ президенти Жо Байденнинг мамлакатдаги ёқилғи нархлари билан боғлиқ навбатдаги баёнотини кескин танқид қилди.

Аввалроқ Оқ уй раҳбари америкаликлар то вазият ўнгланмагунча бензин учун юқори нархларда пул тўлаши кераклигини айтган ва айни пайтда мамлакатда мавжуд нархлар билан боғлиқ вазиятга Россияни ягона айбдор сифатида кўрсатган.

АҚШ президентининг мазкур баёноти нашр ўқувчиларининг кескин танқидларига сабаб бўлди. «Вазият ўнглангунча» — демак, бу америкаликлар ноябрь ойигача қиммат нархларда бензин сотиб олади, дегани.  Байденнинг бу аҳмоқлиги сайловлар пайтида демократлар учун қимматга тушади», — дейилади баёнот остида қолдирилган изоҳларнинг бирида. Шунингдек, «Байден реал ҳаёт билан алоқани буткул йўқотган, унинг аҳволи яхши эмас», — дейилади яна бир изоҳда.

Бундан ташқари, нашр ўқувчиларидан бири ўз изоҳида америкаликлар нега бунчалик тез «таслим бўлган»и ва украиналикларни ёрдамга лойиқ эмас, деб ҳисоблаб, улардан ғазабланаётганидан ҳайратда эканини ёзган. Яна бир ўқувчи эса ўртага «Нима учун америкаликлар Украина учун азоб чекиши керак?», деган саволни ўртага ташлаган.