Илон Маск Tesla компанияси 2023 йилда Optimus gumanoid роботини ишлаб чиқаришни бошлашини маълум қилди. Бу ҳақда Electrek нашри хабар бермоқда.
Tesla раҳбари Cyber Rodeo тадбирида Теsla ўзининг биринчи одамсимон роботини 2023 йилда ишлаб чиқаришни бошлашини айтди: “Ўйлайманки, бизда Optimus’нинг биринчи версиясини ишлаб чиқаришни йўлга қўйиш имконияти бор”, — деди тадбиркор.
“Бу бизнинг иқтисодиёт ҳақидаги тушунчамизни ўзгартиради. Робот, асосан, одамлар қилишни истамайдиган ҳамма нарсани қила олади”, — деди Маск ақлли машина ҳақида. У, шунингдек, компания Optimus «Терминатор эмас, балки хавфсиз ёрдамчи бўлишига» ишонч ҳосил қилишига ваъда берди. Шундай қилиб, Маск роботлар дунёни автомобиллардан кўра кўпроқ ўзгартириши мумкинлигини таъкидлади.
Прототипнинг дастлабки тавсифига кўра, Теsla роботининг бўйи 1,7 метр ва оғирлиги тахминан 60 килограммни ташкил қилади. Машина сунъий аъзолар ёрдамида соатига саккиз километргача тезликда ҳаракатлана олади ва Tesla Autopilot тизими туфайли коинотда ҳаракатлана олади.
Олдинроқ, Илон Маск Теsla 2021 йил ёзи охирида ўзининг Теsla Bot инсонсимон роботи чиқарилиши эълон қилган эди. Илон Маскнинг сўзларига кўра, робот кундалик ҳаётда фойдали бўлади, масалан, дўконга бориб, турли буюмлар олиб кела олади.
