Ўзбекистон май ойида 1,2 миллиард долларлик олтин экспорт қилганди, июн ойида эса экспорт ҳажми кескин пасайиб, 191 миллион долларни ташкил этди, дея хабар берди Давлат статистика қўмитасига таяниб Spot .
Aксар мамлакатларда олтин қазиб олувчилар уни ўзлари экспорт қилади, аммо Ўзбекистонда ягона сотувчи бу Марказий банк ҳисобланади. У олтинни ишлаб чиқарувчилардан сотиб олади (масалан, Навоий кон металлургия комбинати) ва бошқа мамлакатларга (асосан, Швейсарияга) экспорт қилади.
Aпрел ойида Марказий банк мутасаддилари нархлар кўтарилганда яна олтин экспорт қилишни бошлаши ҳақида маълум қилганди. Май ойида олтин унсияси 1900 долларга кўтарилиши билан Ўзбекистон уни сотишни бошлади. Июн ойида унинг нархи яна туша бошлади. Шунга қарамай Ўзбекистон олтинни ойнинг дастлабки кунларида сотишга муваффақ бўлди.
Foto: Spot
Бундан аввал Ўзбекистон олтин захираси бўйича дунёда 17-ўринни эгаллагани, Ўзбекистоннинг олтин-валюта захиралари ҳажми қарийб 1,4 миллиард долларга камайгани ҳамда Ўзбекистон энг кўп олтин қазиб олувчи мамлакатлар топ-10 талигига киргани ҳақида хабар берилганди.
