Шифокор-валеолог Бахтиниса Азимбоева:

Ширинликни кўп истеъмол қилгандан сўнг танада қувват пайдо бўлади ва у камҳаракатлилик натижасида сарфланмаганлиги учун қувват танада ёғга айланади. Шунинг натижасида семизлик келиб чиқади.

Бу ҳолат нафақат вазнни оширади, балки қандли диабетнинг иккинчи турини ҳам келтириб чиқаради.

Шакарнинг ўзи организмга сўрилмайди. Чунки у минераллар, углевод ва бошқа элементлардан ажратиб олинган. Шу сабабли тўқлик ҳиссини ҳосил қилмайди.

Шакар билан бирга яна бошқа маҳсулотлар истеъмол қилишимиз эса семизликка сабаб бўлиши мумкин.

Шакарни табиий мевалардан олиш мақсадга мувофиқдир. Чунки мева таркибидаги шакарда макро- ва микроэлементлар мавжуд. У тўйиш ҳиссини беради, семизликка олиб келмайди.